Shefi i Grupit Parlamentar të Partisë Demokratike të Kosovës, Bedri Hamza ka folur për mundësitë ë rrëzimit të qeverisë.
Hamza në “Debat Plus” ka thënë se PDK dhe opozita nuk i kanë numrat për ta rrëzuar qeverinë e drejtuar nga Avdullah Hoti.
“Kjo është punë matematike. Duhet t’i kemi 61 vota për ta rrëzuar qeverinë. Këta sot i patën 64 vota në Kuvend”, tha ai, përcjell Telegrafi.
Shefi i Grupit Parlamentar të Partisë Demokratike të Kosovës thotë se iniciuesi i mocionit të mosbesimit ndaj qeverisë është dashur të konsultohet edhe me PDK-në para se të kërkojë rrëzimin e qeverisë në Kuvend.
“Unë nuk kam probleme komunikimi me asnjë parti në Kuvend”.
Hamza thotë se kurdo që Vetëvendosje sjellë mocionin në Kuvend partia e tij e voton.
“Kurdo që Vetëvendosje sjellë mocionin në Kuvend, 24 deputetët e PDK-së japin votat për rrëzimin e qeverisë…Ne bashkë me Vetëvendosjen, Mimoza Kusarin dhe dy deputetët e minoriteteve i kemi 55 deputetë. Ku janë edhe deputetët tjerë që nevojiten për rrëzimin e qeverisë”, tha ndër të tjera Bedri Hamza.
Rama publikon pamjet nga Korridori VIII: Po punohet në disa ...
Vuçiq për FSK-në: Janë të trajnuar mirë, s’ka dyshim – por n...
Horoskopi ditor – Çfarë kanë parashikuar yjet për shen...
Sot mbahet protesta e shqiptarëve në Preshevë
AGK-ja sot publikon raportin vjetor ‘Treguesit e nivelit të ...
Simone Inzaghi tregon se si ekipi i tij humbi derbin me Mila...